Fréttir

 Í tilefni dagsins; - sem fer vel af staðDagurinn byrjar með dropandi regn,drunginn frá nóttinni víkur,sólin hún bíður en brýst senn í gegnog bjartsýnin engan svíkur.

 Gekk út áðan; - spegilsléttur Pollurinn og bjart í skýjum og í tilefni þessa dýrðardags:Glampar á himni birtan blíð,boðar vissu slíka,að vorið færir varma tíð,og von um gæfu líka.

 Það skein sól á tinda strax klukkan 7 í morgun hér fyrir Norðan:  Sólin gyllir hvíta kolla fjalla, kallar bros á vör og ljóma´á skalla,Fallegra á morgni verður valla,vera hér við Pollinn heillar alla.

 Nú fagna ég hverjum fugli sem lendir,  af flugi með hlýjum vindi,Þeim góðu dögum sem Guð mér sendir, að glæða nýtt líf og yndi. Ég hef tekið þá bjargföstu ákvörðun að halda með fegurð náttúrunnar, vorinu og ástinni og láta ekki pólitíska heimsku og illgirni spilla lífi mínu.

Lausamjöll:   Þessi hvíta kalda ysja,leggst yfir allt – og bíður-                                eftir vindi stundum dögum samanógnandi.  Svo allt í einu             skellur hann áog allir vegir lokast  Úti hestar og kindur - og pabbi ekki heima.

  afmælisdrengurinn  -  58 ára í dagÉg kvartaði í gær yfir kaunum og sárum, og kveinaði rétt eins og mær, ég fagna í dag mínum fjölgandi árum, en ég fæddist þó næstum í gær.

 Hef verið verulega hugsi yfir því hvernig forsætisráðherra kaus að ræða veikleika ríkisstjórnarinnar.Katta-kenningin (að smala köttum) er að sjálfsögðu tekin illa upp hjá Vinstri Grænum  - og slíkt átti ekki að koma á óvart.

 Þrátt fyrir allt: 26.mars 2010: Það er ömurleg póltík - það er skelfilegt að heyra uppstillingu fjölmiðlanna - í hanaslag; kellingar að rífast í sjónvarpinu...og veðurspáin frekar fúl fyrir Akureyri og nágrenni.

 Slabbið og morgungráminn gæti lagst þungt á mann, -  ef ekki væri þessi vissa: Snjórinn verður brátt á burtu rekinn,og bjarmi sólar drífur skýjafar.Og ástin verður aldrei aftur tekin, sem eiginkonu minni helguð var.

  Brugðist við aðstæðum Það er snjóhraglandi og krapahrat á jörðu.  Ekki sérlega upprifinn dagur á Akureyri.Þó dagurinn byrji með kulda og krapog hvimleiðar fréttir af háska,og þrátt fyrir vexti og voðalegt tap,- er vorið samt handan við páska.