Benedikt Sigurđarson

Benedikt Sigurðarson sækist eftir 1. sætinu á lista Samfylkingarinnar í Alþingiskosningarnar 2007

Flýtilyklar

Vandamál SF og stćrri pólitík

 

 

Samfylkingin er í greinilegum vanda.  Það er ekki stemming með flokknum í Reykjavík og fjölmiðlar og álitsgjafar eiga auðvelt með að benda á skort á samfellu og heildarsýn í málatilbúnaði.  Ég óttast að Hallgrímur Helgason hafi hitt naglann....... þegar hann segir eitthvað á þá leið að pólitíkin sé full af heimalningum og fólki sem hafi ekki ennþá komist til að lesa “þriðjuleiðar-pólitíkina” sem lagði grunn að endurnýjun Verkamannaflokks Tony Blair og skóp þeim flokki aðgang að ríkisvaldinu í Bretlandi. (Málþing ungliða 2005) 

 

 

Svipuð pólitík sósíaldemókrata gerði Schröder og Joshka Fischer kleift að ná saman í Þýskalandi á sínum tíma.    Þessir tveir sósíaldemókratar gleymdu hins vegar að lesa seinni bindin í pólitíkinni og þeirra tími er liðinna að mestu. 

 

 Nú er aftur ný stjarna að gægjast upp á pólitíska himinninn frá miðju til vinstri í Frakklandi – sem talar um pólitík og megintilgang samfélags, ríkisvalds og atvinnulífs.  Áhugavert verður að fylgjast með Sigulan Royale í Frakklandi – næstu mánuðina.  Vonandi forseta Sósíalistaflokksins eftir kosningarnar þar. 

Argandi stóriðjusinni

Það verður ekki trúverðugt fyrir Samfylkinguna að bjóða fram “argandi stóriðjusinna” eins og Egill Helgason orðar það – og það verður ekki trúverðugt fyrir ISG að mæta á völlinn með suma “í röndóttum vaðmálsgalla” í sniði Össurar og jafnvel “með slaufu” -  á meðan aðrir ætla sér að spila allan leikinn  í snotrum  rauðum búningi úr “dry-fit-efni” og bera fram jafnaðarstefnuna inn í 21. öldina.  

Í jafnaðarsamfélagi 21. aldarinnar skulu menntun, nýsköpun, listir, hátækni, sérhæfð viðskipti og fjármálastarfsemi – leggja grunn að efnahagslegri velsæld og upplýst jafnaðarstjórn “temur viðskiptalífið” og beitir styrkjandi og hvetjandi aðgerðum til að endurnýjan félagslegt réttlæti og jafnræði – með virkum aðgerðum til að bæta stöðu barna og foreldra – þar sem jafnræði kvenna og karla er betur staðfest og þar sem allir hópar njóta öruggis, frelsis og tækifæra. 

Úpps.!!...Já; ég mátti til að sleppa mér smá... í stærri pólitík!!!!

Mynd augnabliksins

IMG_0636.JPG

Heimsóknir

Í dag: 500
Samtals: 1806516

Innskráning

moya - Útgáfa 1.10 RC1 2006 - Stefna ehf