Benedikt Sigurðarson

 

Í dag er 17. nóvember 2017.    Fyrir ríflega 11 árum opnaði undirritaður þennan miðil -  en hafði áður prófað að blogga á www.visir.is og á Moggablogginu.

 

Líkaði það ekki allskostar og ákvað að prófa -  um leið og þreifað var fyrir sér um framlínuþáttöku á vettvangi Samfylkingarinnar.

 

ekki er neitt um það mál að segja;  - nema sú sjóferð varð algerlega aflalaus og miklu meira en það.

 

Síðan hefur undirritaður ýmislegt skrifað og skrafað út í alheiminn -  með hjálp miðlanna.   Síðast skrifað pistla á www.kvennabladid.is og á www.stundin.is og líka á þingeyska miðilinn www.641.is  -  þar sem margvísleg mál hafa verið reifuð.'

Húsnæðismálin og málefndi neytendadrifins rekstrar -  hafa nú samt líklega verið fyrirferðarmest -  en ástríða og köllun af hálfu undirritaðs að sinna samdélagslegum málefnum  -  þar sem menn leggja saman til árangurs fyrir alla en hafna græðgistengdu braski þar sem einstaklingar hyggjast gera út á hagsmuni allra hinna. 

 

Umfram allt hefur staðið úr mér bunan í bókstaflegri merkingu á Facebook . . .   með alls konar efnislegri tjáningu -  kerskni og stríðni í bland  

 

65 ára hvítur karl  -  i tiltölulega góðu formi fram á þennan dag -  er ekki sérlega spennandi viðmælandi um þjóðmálin og þarfaþing nútímans - -   og þess vegna opnar maður sjálfur sinn eigin miðil og nýtur þess að tala "upp í vindinn" . .  og á eigin ábyrgð.

 

<Ef vindurinn blæs þannig eða leiði leggur -  þá kynnu einhverjir að heyra og jafnvel leggja við hlustir.    Þess vegna eru enn heitingar um að halda áfram að tjá sig . .  hvergi banginn því loksins er svo komið að frekir hagsmunaaðilar geta ekki ógnað tilveru svo gamals manns -  sem getur sjálfur tekið sín takmörkuðu eftirlaun á meðan heilsa og líf leyfir manni.

 

Lífið er dásamlegt  -  á meðan það endist og við getum ráðið einhverju og framvinduna

 

Sjáumst og heyrumst

 

Bensi